EK PARI (PART-2)

Phir next day mai apne dost ke sath ghum raha tha.. PARI online aayi Mene usko shayri send ki

Me – Chand sitaro ke upar pariya rehti hai, lekin yeh jhut hai quki aap to zameen par ho

PARI – Waah waah..

Me -  Haa Mene to class mai hi dekhi

PARI – Accha.. Okk

Me – Aapke college kab se start ho rahe

PARI – August se

Me – Phir aap class nahi aaoge.. Apko miss karenge

PARI – Aaongi but late

Me – Okk.. Aapse darr lagta hai yrr

PARI – Accha.. lagna bhi chahiye

Me – Aap ase hi direct bol dete ho kuch bhi ho

PARI – Haa.. Main asi hi hu

Me – Haa pata hai isliye to darta hu na

PARI ke har ek reply se bhot accha lagta tha.. Ek Reply aate hi, Mere face pe automatic smile aa jati. Phir hamara new content start hua, Jab hum next day class mai practical ke liye bethe the toh mai apne friend ke sath betha tha, abhi PARI nahi aayi thi, woh kabhi kabhi 5 min late ho jati thi.. Ma'am aaye or kaha ki tum is PC par betho, Mene kaha ma'am isko bitha do.. ma'am ne kaha tum hi betho or sab ke new partners bana diye quki hum log bhot baate karte the.. or mai akela hi betha tha, phir ma'am ne kaha Ab PARI aaygi woh tumhare sath bethegi, Yeh sun kar Mere saare friends hasne lage or mai bata nahi sakta mujhe kitna accha feel ho raha tha. Phir jab PARI aayi toh ma'am ne usko kaha, tum uske sath bethogi. Ab daily hum sath bethte the, but phir bhi pura 1 hour chup betha rehta, kuch baat karne ki himmat hi nahi hoti thi, bss thoda bhot work ke bare mai hi baat karta, mai usse kabhi koi faltu baat nahi karta tha. Ek din Mera friend hamare PC pe beth gya toh hum dusre PC pe bethe the. Mene friend ko kaha ki woh Mera PC hai Ab mat bethna, PARI ne bhi kaha ki woh hamari jagah hai.. Phir sir aaye or unhone kaha, sab apne apne PC pe bethe or hum apne PC pe jaa kar beth gaye. Ek din ma'am ne kaha, ap sab ko ek-ek product design karna hai,  or pehle packet mujhe dikhoge, or kisi ka bhi same nahi hona chahiye.. Mene kaha, ma'am mai biscuit ka banaonga. Toh next day m Dark Fantasy ka packet leke aaya or m isliye laya tha ki PARI ko bhi khila saku. Phir jab m class gya toh Mene ma'am ko packet dikhaya, phir PARI ne packet le liya or packet open karne lagi.. or kaha ki ma'am bhuk lag rahi hai, ma'am ne kaha ki class mai allow nahi hai bahar jaa kar sab share kar lena, but woh class khatam hote hi ghar chali gyi, mujhe acha nahi lag raha tha, quki jiske liye laya usko hi nahi de paya. Phir Mene usko insta pe Messege kiya.. aap biscuit nahi le gye, usne kaha ki mai Bhul gyi.. Mene kaha koi baat nahi.

Ek din Mene socha ki PARI ki friend shayad Meri help kar sakti hai, toh Mene usko FB pe request send ki, or usne accept kar li. Phir Mene usse baate karna start kiya, abhi hamari itni achi friendship nahi hue thi. Ek din Mene usse kaha- Aapko ek baat btao please kisi ko btaoge to nahi PARI ko bhi nahi, Usne kaha Haa thik hai nahi btaongi. Main PARI se Pyar karta hu or ye koi attraction nahi hai, but us time usko mujhpe trust nahi tha or woh apni jagah sahi thi, ase hi kisi pe trust nahi karna chahiye. Usne kaha ki Dekho main nahi chahti ki Meri friend ko koi problem ho isme main kuch nahi kar sakti. Mene usko kaha mai bhi asa vesa ladka nahi hu or agar apko asa lagta hai toh thik hai main usse kabhi baat tak nahi krunga. Usne kaha ki friendship karne mai koi problem nahi hai aap baate karo asa nahi hai. Or phir mai PARI ki friend se daily baate karta or daily PARI ki hi baate karta. Kab hum bhot ache friend ban gye pata hi nahi chala, woh mujhe hamesha bhaiya bolti thi. Usse jab bhi baat karta to lagta jese mai apni behan se baat kar raha hu. Mene usse kaha, PARI ke bare mai batao kuch or woh hamesha kehti ki Meri usse itni acchi friendship nahi hai.  Usne btaya ki woh school ki head girl thi, sab darte the usse. Or jaha tak mujhe pata hai uska koi bf nahi hai.. Woh mujhe kehti, abhi aap PARI se kuch mat bolna pehle aap achi friendship karo, phir ap bologe toh woh itna zyada gussa nahi karegi. Mene kaha mai hamesha usse ache se baat karta hu but zyada baat nahi kar pata.

Phir Ek din Mene PARI ko FB pe whatsapp status ka ek video send kiya. Or kaha ki please isko dekhna apko accha lagega.. Phir Usne dekha or kaha, what nonsense is these.. Main darr gaya or PARI ko kaha, acha toh hai yaar isme nonsense kya. Mene sorry bhi kaha but koi reply nahi aaya mujhe laga ki shayad woh gussa hai. Phir master class thi 2-3 din to saare students hote to mai piche beth jata. Next day PARI ka b’day bhi tha. Phir Mene woh video PARI ki friend ko send kiya or pucha ki btao isme kya galat hai, usne kaha kuch bhi toh nahi accha hai..  Phir apki friend ne kyu kaha, what nonsense is these, usne kaha pata nahi. Phir Mene raat ko PARI ko insta pe Messege kiya-

Me – PARI.. Please mene agar aap ko upset kiya ho toh so sorry.. Mera matlab aap ko hurt nahi karna tha, Mene bss ek normal video send kiya tha just a friend samjh ke okk.., aap galat mat samjhna.. Or I am really sorry and advance Happy b’day for PARI. I hope aap anytime happy rahe or please main ab zyada nahi kahunga, bss ek baar smile kar do main samjh jaonga aapne Meri baat ka bura nahi mana.. So please

PARI – I know.. Are asa kuch nahi hai.. Main thoda busy chal rahi hu, Are main ase hi react kiya tha, Wo normal tha yaar.. Itna deep main sochta hai pagal..!

Me –  Haa, Main asa hi hu yaar, Mujhe to aapke samne aane m bhi darr lag raha tha

PARI – Are pagal actually bhot busy chal rahi hu.. Sorry yaar..

Me – Please no sorry or Thank you, ab mind free lag raha hai

PARI – Ok..

Phir 12 baje Mene usko birthday wish kiya or thodi der baad usne Thank you so much bola. Mai PARI ke liye birthday gift ka bhi soch raha tha ki kya dunga but Meri usse itni zyada ache se friendship nahi thi to socha abhi nahi or galat na samjhe. Phir subah uthte hi PARI ko wish kiya.. But woh birthday wale din class nahi aayi thi, Mene uske b’day ke liye ek video banaya tha uske pics se but send nahi kar paya tha. Phir night mai PARI ne pics upload kiye b’day ke, woh white dress mai bilkul Real PARI lag rahi thi.. Mene comment kiya or usne Thank you kaha. Usse baate ki apka b’day kesa raha, usne kaha bhot acha bhot enjoy kiya..

Phir next day woh class aayi, us din jab class khatam hue toh ma'am ne kaha, PARI ke batch ke ruk jana. Quki b’day celebrate karna tha. Mai class se bahar gya, PARI chair pe bethi thi uske pas gya Handshake kiya or kaha Happy Birthday, usne kaha thank you.. Usse handshake karne ki feeling hi alag thi.. Mera friend wahi tha woh kehne laga, bhai tu late ho gya kal tha birthday. Usko kaha mujhe pata hai Mene kal hi wish kar diya tha, PARI wahi thi Mene kaha PARI kiya tha na usne haa mai sur hilaya. Phir PARI ka birthday celebrate kiya.

Ek din jab class se nikal rahe the toh punching machine sir thik kar rahe the. Sir ne kaha 5 min rukna padega. Jese hi machine thik hue PARI ne kaha, mujhe bhuk lag rahi hai toh usko kaha ki pehle aap punch kar lo or woh ghar chali gyi. Sham ko jab chat kar raha tha to Mene PARI se pucha-

Me - Khana kha liya aapne

PARI – Nahi

Me -  Apko toh bhuk lag rahi thi na, toh kha lo

PARI – Haa toh nashta kiya na.. Khana baad mai

Me – Haa Thik hai… What do you like to eat in sweets??

PARI – Kuch bhi nahi

Me – Meetha pasand nahi aapko

PARi – Nahi..

Phir woh 4-5 din class nahi aayi, woh apne dadaji ke ghar gyi hue thi rakhi festival par. Phir woh rakhi ke baad online aayi toh mene pucha, aap class kyu nahi aa rahe ho.. usne kaha mai out of town hu. Mene kaha or btao apki rakhi kesi rahi, usne kaha ki bhot achi or class mai kya chal raha hai, Mene kaha kuch nahi or aap kab aaoge usne kaha ki kal aaongi..

Hamare institute mai ek function hone wala tha, jo year mai ek baar hi hota tha to uske liye sir ne announce kiya jisme dance, singing, fancy dress or games hote hai or woh one month ke baad out of town mai hone wala tha or PARI ne bhi apna name likhvaya tha. Hamari batch ka moniter mai tha toh jisko bhi participate karna tha, ma'am ne kaha ki aap unka name ek page pe likh ke de dena.. Mene PARI se pucha ki aap kisme participate kroge usne kaha, play or fancy dress. Mai dance ka soch raha tha, mujhe dance karna bhot acha lagta hai, but mujhe itna ache se dance karna nahi aata. Phir ek din discuss ho raha tha, fancy dress mai kon kya pehen ke aayga.. PARI ne kaha, mai white gaon or mere pass wings bhi hai. Mujhe ye sun ke hasi aa rahi thi..

Ek din PARI nahi aayi thi, us din ma'am sabse confirm kar rahe the ki fancy dress mai kon kya pehen raha hai, us time PARI ki friend bhi wahi bethi thi.. Sabne bta diya jo bhi fancy dress mai participate kar raha tha or Ma'am ne PARI ka pucha.. Mene kaha, woh to PARI ban ke aaygi.. PARI ki friend ye sun ke hasne lagi, Mene kaha usne hi us din kaha tha yaar. Phir jab mai sham ko PARI ki friend se baat kar raha tha toh usne kaha, kya baat hai aaj aap PARI ka name sun ke bhot blush kar rahe the, Mene kaha haa yaar uska name sun ke face pe automatic smile aa jati hai..

Phir jab mera 2^nd sem ka result aaya tab college mai betha tha toh PARI ko messege kiya, mera result aa gya or mai pass ho gaya.. Usne kaha Congrats or mene Thank you kaha., Phir jab mai sham ko class gaya toh PARI aayi or boli badhai ho.. mene pucha kyu, tera result aa gya na mene kaha haan..  

Ek din jab mai PARI se chatting kar raha tha toh Mene ek question pucha- Kya aapne kabhi God ko dekha hai, usne kaha nahi.. Mene kaha ki mene dekha hai, PARI ne koi reply nahi kiya. Mene usse pucha ki kya hua no reply, usne kaha ki tune hi toh kaha ki tune God ko dekha hai.. Mene kaha ki Haa mene dekha hai “quki meri jo best didi hai, mai unko apni life mai God ki jagah deta hu., bhale hi kabhi mai God ka ashirvad na lu, but unki best wishes jarur leta hu wahi mere liye God hai.” PARI ne kaha So Your sister is very special for you. Mene kaha haan.

Phir hamara presenatation tha next software ka, hum jab class gaye toh pata chala ki aaj ma'am nahi aaye hai toh apka presentation kal hoga toh hum practical ke liye hi bethe the.. Phir sir aaye jo humse ache se baat karte the, bhot frank the.. Woh PARI ko asi hi chidhate rehte the toh pari ne kaha, sir aap dhaste ho (jese snake dhasta hai).. PARI ne ek pen liye or apne hath par 2 dots bana liye or kaha, sir aap dhaste ho dekho kitni zor se dhasa hai.. but sir or mazak karne lage.. phir PARI ne 2 dots or bana liye, Hum us din bhot masti kar rahe the. Phir next day jab hum class gaye, us din bhi ma'am nahi aaye the toh sir ne kaha ki aap log khud hi ek dusre ka presentation lo, jisse apki practice ho jaygi or aap ek dusre ko suggestion de sakte ho jaha samjhme na aaye. Phir sabse pehle PARI ne presentation diya or woh toh best hi present karti hai. Phir 2 ke baad mera number aaya or mene presenatation diya, mene sabse pucha kesa tha..? Sabne kaha ki thik hai or phir mene PARI ki taraf dekha or pucha usne kaha, sab thik tha bss thoda normal khada raha kar.. Hum kahi ladne nahi ja rahe baki sab thik tha.. mene kaha, thik hai. Phir next day se PARI ne class aana band kar diya, pehle usne btaya tha ki woh class continue rakhegi but uske college ki timing hi asi thi ki usne class band kar di. Phir jab college ka first day tha toh mene usko All the best ka messege kiya, usne Thanks bola or phir sham ko pucha, kesa raha college mai aapka first day or new friends bane, usne kaha accha tha.. Or phir usne whatsapp bhi on kar liya tha toh mene usse pucha ki aapne whastapp on kar liya kya.. usne kaha, haa new mobile liya hai.. Phir mene usse whatsapp pe bhi baat karna start kar diya. Mai daily usko bhot miss karta, class mai mujhe acha nahi lagta or jis PC par hum bethte the mai daily uspe hi ja kar betha. Aisa koi moment nahi hota, jab mene usko miss nahi kiya ho.. Daily uske photo ko dekh ke hi baat karta rehta or jab bhi uska koi reply aata ek alag hi khushi milti.. But ab woh busy ho gyi thi college mai, isliye zyada baat nahi hoti but mai daily good morning messege karta.. bhot se din to uska reply tak nhi aata tha.

Phir jab ek din dance k screening thi toh mai bahar apne number ka wait kar raha tha or mujhe apne dost ke sath dance karna tha. Or bahar PARI ki friend bhi bethi thi, mai usse baat kar raha tha.. mene usko apni best didi ki pics dikhai or kaha, Hai na world mai sabse best or usne kaha ki PARI se bhi acchi kya.? mene kaha ki haan yeh mere liye sabse pehle aate hai, baki sab baad mai or usne pucha ki aapne PARI ko btaya ki nahi, mene kaha ki nahi.. Usne kaha abhi mat batana aap.. or ache se baat kro achi friendship kro usse, Mene kaha thik hai..

Phir thode din baad Mene PARI ki friend se pucha ki-

Me - Ab bhi apko asa lagta hai ki mai PARI se pyar nahi karta

Friend - Nahi bhai, but phir bhi kuch missing lagta hai

Me – kya missing hai

Friend - woh toh pata nahi

Me – Pata hai yaar mujhe kuch accha nahi lag raha. Bhot miss karta hu

Friend – Dekho bhai ek baat kahu, Jaldi sun lo phir mujhe jana hai

Me – Haa bolo

Friend – Dekho aapne usse pyar kiya okk, Lekin usse koi ummid mat rakho Hurt nahi hoga or jab bhi asa kuch feel ho mumma ke pas beth jaya karo accha lagega

Me – Okk

Phir ek din mene PARI ko ek video send kiya, or kaha ki please ye video dekhna.. Mene pehle banaya tha, but send nahi kar paya tha apke b’day par.. Phir jab usne video dekha toh PARI ne kaha, It’s wonderful really good one.. Mene usse pucha, apko sach mai acha laga na. Usne kaha ki Haan Accha hai. Phir mene yeh baat PARI ki friend ko batayi ki usko video acha laga. Mujhe bhot acha lag raha tha..

Phir mene PARI se pucha ki aap function mai to aaoge na usne kaha haa.. But woh kisi mai participate nahi kar rahi thi. Ab function ko bss 2 din or bache the toh mene PARI ki friend ko kaha, aap please usse ek baar puchlo ki woh aayegi na.. Phir usne mujhe bataya ki woh nahi aaygi woh function ka bhul gyi. Phir mai soch raha tha mujhe bhi nhi jana or mud off ho gya.. Phir jab next day PARI ki friend aayi toh usne kaha, PARI aaygi.. Mene usse kaha, kal toh aapne kaha ki woh nahi aaygi, woh boli mai bss aapse mazak kar rahi thi.. Phir mai happy ho gya quki 1 month baad usse milunga.

Phir woh din bhi aa gya, jab woh aa rahi thi. Sabko 8 baje stop par pahuchna tha wahi se bus jaygi, mai time se pahuch gya but mujhe PARI kahi bhi nahi dikh rahi thi.. PARI ki friend aayi toh mene usse pucha ki woh nahi aayi, usne kaha ki PARI ne bola toh tha ki woh aayegi.. But meri aakhe bss usko hi dhund rahi thi, Phir sab bus mai bethne lage or mai window wali seat par beth gya mere friend ke sath, mujhe kuch bhi accha nahi lag raha tha or mann kar raha tha, mujhe bhi nahi jana.. But usi time PARI bus mai enter hue (“jese kisi movie mai alia bhat ki entry hoti hai, usse bhi zyada Preety lag rahi thi”) or uski friend ke sath aa kar beth gyi.. Usko dekh ke automatic mere face par smile aa gyi or meri smile jaa hi nahi rahi thi or mai bechain ho gya, dil zor zor se dhadak raha tha or piche mere friends bethe the, woh mujhe aawaz lagane lage bhai woh aagyi or mai bss smile kar raha tha.. Mai bata nahi sakta kitna happy tha or mai window wali seat se side wali seat par beth gya or phir PARI ki friend ne meri taraf dekha or smile karte hue head ko hilaya, woh kehna chahti thi ki ab thik hai, mene bhi haa mai head hilaya.. PARI phir aage wali seat pe jaa kar beth gyi..  Jab hum function mai pahuche toh hamare welcome ke liye Dhol zor zor se baj rahe the or friends dance karne chale gye.. Phir mai bhi dance kar raha tha, quki mai bhot happy tha. Phir hum hall mai pahuche, waha pehle games khila rahe the, but mai thoda piche betha tha toh mai nahi gya quki aage wale pehle hi stage par pahuch jate PARI ne bhi game khela or woh game mai jeet gyi thi, uske group ne sabse kum time mai task complete kiya tha. Phir sabne lunch kiya or PARI akeli bethi thi,  mai or mere friends uske pas jaa kar beth gye or mene bss thodi bohot hi baat ki or hum friends mazak kar rahe the.. Phir uska call aa gya toh woh baat karne chali gyi. Phir jab function start hua toh pehle PARI ki friend ne perform kiya, woh bohot mast dance karti hai or PARI ne uska dance record bhi kiya tha, woh aage hi bethi thi or mai just uske next row mai betha tha.. Phir jab mere performance ka number aane wala tha, jab PARI ki friend last mai bethi thi uske pas gya or kaha aapka dance bhot acha tha or kaha aapne PARI ko bula hi liya na, usne kaha aapko accha laga, mene kaha haa Thank you.. Or mene kaha ki mai usse kuch baat hi nahi kar pata yaar, usne kaha aap pagal ho, jao or bolo Hello PARI kesi ho..!!   Phir mene performance kiya or jese hi mai niche aaya toh dekha ki PARI toh waha hai hi nahi or jese hi mera performance start hua woh bahar chali gyi thi, mujhe accha nahi laga usne toh dekha hi nahi yaar.. Phir mene PARI ki friend se pucha ki kaha hai, usne kaha pata nahi.. Phir PARI aayi or uski friend ke pas aa kar beth gyi or usne usko kaha ki aaj hi mujhe itne calls aa rahe hai.. Phir open dance start hua but mai dance nahi kar raha tha quki PARI kahi nahi dikh rahi thi..  Phir PARI aayi or woh group mai dance kar rahi thi, usko bhi ache se dance nahi aata tha.. Phir mai bhi dance karne chala gya or us din mene bhot dance kiya tha.. Phir sabne dinner kiya or bus se wapas HomeTown aa gye.. Mujhe khud par gussa bhi aa raha tha, PARI se baate nahi ki or happy bhi bhot tha quki uske aas paas bhi hona mere liye bhot badi baat thi woh best day tha or life ka best moment.

Phir Navratri Start ho gayi or PARI ko Jai mata Di messege likha, usne bhi reply mai Jai mata di bola.. Mene 9 days navratri ka fast rakha tha or bina sleeper ke.. Daily Mandir bhi jata or mandir jana ek din bhi miss nahi kiya.. or Daily bss God se ek hi prey karta, God ji mujhe pata hai ki PARI mujhse pyar nahi karti hai or usko ye sab pasand bhi nahi hai, mai bss itna chahta hu ki PARI meri feelings ko samjhe bss usse zyada mujhe kuch nahi chahiye, phir agar PARI mujhe mana bhi kar degi toh mai kuch nahi kahunga or PARI ke decision ki respect karunga.. Kabhi bhi mene God se PARI ko nahi manga. Phir ek din jab mai friends ke sath mandir jaa raha tha toh friends mujhe bol rahe the, bhai tu usko bol de usko.. Ab dosto ko kese batao ki suggestion dena bohot simple hota hai but usko karna bhot mushkil. Mai bhi apne dosto ko bohot suggestion deta tha but jab khud ke liye kuch sochta toh kuch samjh nahi aata quki mere mind mai yeh aata, agar asa nahi hua or usne galat samjh liya toh mai uski friendship na kho du.. Phir mene thodi himmat karke PARI ko messege kiya.. Mujhe aapse kuch bolna hai please ek baar sun lo.. But woh busy rehti thi toh usne seen nahi kiya or Jab seen kiya toh koi reply nahi aaya.. Phir mene usko instagram par messege kiya or pucha, aap whatsapp par reply kyu nahi karte ho, PARI ne kaha ki bohot messege hote hai whatsapp par.. Phir kuch dino baad mene socha ki usko indirectly bolne ki koshish karta hu toh uske liye mene ek messege likha –

Dekho PARI I know ki aap ab bhot busy rehte ho isliye kum hi baat karte ho, maine apko apna best friend mana hai.. God aap jesi friend sabko de.. Pata hai kabhi kabhi sochta hu, jo bhi apka life partner hoga woh kitna best hoga, Mai bhi God se prey krunga ki mujhe bhi aap jesi hi life partner mil jaye or aap is baat ko galat mat samjhna or meri koi baat ka bura laga to uske liye pehle se so sorry. Or Haa ek baat please don’t mind ok.. You are soo soo soo cute.. Really I like you..!!

But jab usne seen kiya toh uska koi reply nahi aaya. Mai soch raha tha, shayad usko bura laga ho yaa mujhse gussa ho gyi ho. Phir jab mene usko Happy Diwali wish kiya toh uska reply aaya Happy Diwali or mere face par smile aa gyi. Jab samjh aaya ki usne meri baat ka bura nahi mana tha. Phir daily sochta ki kya karu kuch samjh hi nahi aata. Ek din mene uske name ka logo banaya or send kiya, PARI ne Thanks kaha.

Phir mene ek din PARI ki friend se kaha, kya ab bhi apko kuch missing lagta hai yaa kuch dout hai mujhpe ki mai PARI ko pyar nahi karta. Usne kaha nahi bhaiya ab mujhe aap par koi dout nahi hai, I trust you.. Ek din mene PARI ki friend ko kaha ki please ek help karoge, aap PARI ko batao na ki Mai usko pyar karta hu but woh pehle mujhe mana karti thi, mai nahi bata sakti.. Phir ek din woh maan gayi or usne kaha ki mai kal bata dungi mere hisaab se, Mene kaha Ok.. Or kaha ki aap PARI ko direct mat batana, jese hum friends se normal share karte hai aise batana, usne kaha thik hai.. Phir next day mene PARI ki friend se pucha ki aapne bata diya kya usko, usne kaha abhi nahi bataya or kaha ki abhi batati hu. Phir usne PARI ko bataya or PARI ne usko kaha- Let’c, I don’t care, mujhe faltu kaam mai koi interest nahi hai, tujhe pata hai mai kitni buri tarah handle karungi tu hi bol dena usko. Phir mene PARI ki friend se pucha ki aapne kya kha tha usko, jo usne asa reply kiya or iske baad kya kaha aapne PARI se. Usne kaha ki bss itna kaha ki shayad bhaiya apko like karte hai or phir mai kya kehti.. Or mai bata nahi sakta ki mujhe kitna bura lag raha tha, kuch samjh nahi aa raha tha ki yeh kya ho gaya, asa to kabhi sapne mai bhi nahi socha tha ki asa hoga. But PARI ne mujhse kuch bhi nahi kaha bss next day mujhe block kar diya..

Phir mai bss yahi soch raha tha ki ek baar woh mujhse baat to karti Yaa us baat ko mujhse confirm bhi kar sakti thi, hum itne friend toh ban gye the.. Woh bss ek baar kehti, mujhe ye sab pasand nahi hai, mai PARI ko kabhi bhi us baat ke liye nahi bolta quki mujhe pata tha ki woh asa nahi sochti hai.

Meri ek friend hai jo mumbai mai rehti hai mai usko sister manta or usko sab kuch batata hu.. Phir jab bhi usse PARI ke baare mai baat kar raha tha toh, usne kaha ki ab kabhi us ladki ke bare mai baat mat karna, mai irritate hoti hu or aap pagal ho yaar.. jo phir bhi uski baate karte ho..

Phir mene PARI ko Fb pe sorry bhi bola or daily Good morning messege bhi karta, woh kabhi seen kar leti, but koi reply nahi aata phir ek din PARI ne mere FB se messege block kar diye. Or mene socha ab PARI ko kabhi pareshan nahi krunga, usko kabhi call bhi nahi kiya but aaj bhi PARI se utna hi Pyar karta hu. Kabhi kabhi woh mujhe uske College Bus mai dikh jati hai or mai apne friends ko bolta hu ki woh rahi PARI or jab bhi uske college ki bus dikhti hai, mai aaj bhi happy ho jata hu or aaj bhi dil zor zor se dhadakne lagta hai. Mai usko kabhi nahi bhul sakta.. or Aaj bhi jab subah meri nind khulti hai toh pehla Khayal PARI ka hi hota hai. Jab bhi mai apni aankhe band karta hu toh mujhe PARI dikhai deti hai or vese mai usse daily apne Dreams mai mil leta hu.. woh daily mere dreams mai aati hai..

Kabhi kabhi mai yeh sochta hu ki, hum mile hi kyu the jab agar milna hi nahi tha.. Itni baate common bhi kyu hue or woh batch mai partner bhi kyu bani, or sochta hu ki mene asi bhi kya galti kar di thi, Ase hi bhot se questions hai jiske answer mujhe pata nahi.. or na hi khud PARI ko apne dil ki baat bata paya. Aaj bhi mai PARI se bhot pyar karta hu or Hamesha karta rahunga woh mujhe block kar sakti hai but Pyar karne se nahi rok sakti.

 “Ae dil hai mujhshkil” ka ek dialogue hai “Agar baazi ishq ki baazi hai toh jo chahe laga lo darr kesa, Agar jeet gaye toh kya kehna.. or Agar haare bhi toh baazi maat nahi ”.

PARI ke liye ek Shayri bolunga “Kya kamaal ki taqdeer paayi hogi us shaks ne, jisne tujhse mohabbat bhi na ki ho or tujhe pa lega”.

Agar aapko story achi lagi ho toh please comment karke bataye..!!