BHAI BEHAN KI YAARI

Bada ajeeb hota hai bhai behan ka rishta bhi, jhagda itna hota hai ki koi suljha na sake or pyar itna hota hai ki koi maap na sake.. Aur kehte hai, “Bhai behan ek dusre ke itna hi Kareeb hote hai jitni hamari Aankhe” shayad isliye bhai behan ki Yaari duniya mai sabse pyari hoti hai..!

Is duniya mai har kisi ki apni ek kahani hai lekin kuch hi log usko baya kar pate hai or kuch unke andar hi reh jati hai.. Hamari life mai kabhi bhi kuch bhi ho sakta hai or jiska kabhi socha bhi nahi hota, unse bohot khaas rishte ban jate hai or woh life ke sabse important person ban jate hai..!

Yeh story meri cousin sister ki hai jiska name Simu hai.. Wese toh hum ek dusre ko bachpan se jante hai or ek hi town mai rehte the.. Lekin kabhi usse itni baate nahi hue quki mai jab bhi uske ghar apne parents ke sath jata toh chup betha rehta or mai bohot kum bolta.. or hum same town mai 7 years tak rahe but jitna kaam hota utni hi baat karte.. Phir mai apni family ke sath apne hometown shift ho gaya.. Phir ek din simu ne meri didi se uske baby ki pics mange the toh didi ne mujhe uske number diye or bola ki simu ko pics send kar dena or mene pics send kar diye.. Phir mai whatsapp par usko kabhi kabhi jokes send karta tha aur usko bhi jokes acche lagte the toh woh smile emojis send karti thi toh accha lagta tha or mene ek din simu se pucha mai tujhe daily jokes send karke pareshan toh nahi karta na, usne kaha nahi mujhe acha lagta hai tu kiya kar.. Ab ase hi dheere dheere hamari baate start hue.. or hum acche friends bhi ban gye.. Aur kehte hai, ek sister se achi dost koi nahi ho sakti.. quki jo dost se share nahi kar sakte woh sister ko share kar sakte or jo sister se share nahi kar sakte woh dost ko or woh mere liye best friend or sister dono thi..

Mai jaha work karta tha waha ek didi thi or mai unko bohot manta tha but kisi baat ki wajah se unhone mujhse baate karna band kar di, is baat se mai bohot zyada hurt ho gaya tha.. Phir mene yeh sab baate simu ko batayi or simu ko daily bhot parshan karta tha but woh mujhse kabhi parshan ni hoti thi or mujhe ache se samjhati thi, simu bohot bindass thi or life ko bohot enjoy karti thi or mai simu ko always bolta ki mujhe tujhse bohot kuch sikhna hai.. or uske baad simu ne mujhe bohot kuch sikhaya.. or mujhe enjoy karna bhi ni aata tha quki m thoda shy tha but simu ne mujhe enjoy karna, bindass rehna, dressing sence, kisse kese baat karte sab kuch sikhaya.. Agar ek line mai kahu toh sahi se jeena toh mujhe simu ne sikhaya..!

Phir ek din mene socha ki mai daily simu se baat karta hu toh woh pareshan hoti hogi.. Mujhe laga ki simu ko daily message/call nahi karna chahiye quki simu busy hone ke baad bhi mujhe time deti thi.. Phir mene ek din simu ko subah se sham take ek bhi message/call nahi kiya. Phir night mai simu ka message aaya…

Simu - Oye

Me – Haan

Simu - Kaha hai subah se mai busy thi iska matlab yeh nahi ki tu pareshan karna chod de or tu acche se janta hai busy rehti hu tabhi tujhse thik se baat nahi karti

Me – Are asa nahi hai

Simu - Sister ko bhul gaya hena, subah se yaad nahi kiya mujhe

Me – Are aisa nahi hai, tu galat samjh rahi hai

Simu – Sab sahi samjh rahi hu, subah se message kiya tune bol nahi na quki itna busy tha ki message bhi nahi kiya..

Me – Ek baar meri baat toh sun, mujhpe trust nahi hai kya

Simu – Hai but tu bhul raha hai mujhe

Me – Mene socha tujhe din bhar pareshan nahi karu, tu mujhse pareshan hoti hogi

Simu – Nahi hoti hu mai isliye aaj gussa aaya ki message kyu nahi kiya

Ab dheere dheere hum Best Brother Sister ban gaye.. hum ek dusre ko bina kuch bataye bhi ek dusre ko samjh jate.. Ek dusre ki problem solve karte or koi bhi important decision lete toh pehle ek dusre se discuss karte.. Asi koi baat ni hoti jo hum ek dusre se share na karte ho..

Simu mujhse age mai 1 year badi thi toh mene usko bola mai tujhe didi bolu ya simu.. Usne bola jo tujhe acha lage bol diya kar.. Phir mene simu ko bola mai tujhe “dii” bolunga.. Quki mai simu ki bohot respect karta tha or isliye mene phir usko kabhi uske name se nahi bola always dii bolta..

Jab simu unke bf ko life partner banane ka soch rahi thi toh yeh pehle mujhe bataya.. Pehle toh mujhe unke bf ache nahi lage the but phir mene unke bf se kuch din baate ki toh mene unko okay bol diya.. Phir simu kabhi kabhi unke bf ki baate karti toh mujhe jealous feel hota tha but simu ko nahi bolta.. Quki simu mujhse kum baat karti thi or aisa lagta tha ki ab simu ka pyar mere liye kum ho jayga but mai jo soch raha tha woh har ek bhai sochta hai ki shayad uski behan ab usse dur ho jaygi.. But simu toh mujhe khud se bhi ache se samjhti thi or usko bina bole hi sab pata chal jata.. Simu ne ek din pucha-

Simu - Kya hua tujhe, Tu jalta kyu hai

Me - Nahi toh mai kyu jalunga

Simu - Acha jhut kyu bolta hai.. Tujhe kya lagta hai dii unki zyada baat karti hai.. Right

Me - Nahi aisa kuch nahi hai..

Simu - Meri kasam

Me - Sorry yrr.. mujhe aisi feelings aati toh kya kru..

Simu - Pagal, Bf hai woh mere jisko life partner manti hu or Tu mera best brother jisko mai bohot value rakhti hu, kuch bhi problem hoti hai toh pehle tujhe or phir unko bolti hu or bs yeh hai ki unki every baat tujhse share karti hu..

Me - Haan.. Aisa kuch nahi hai or mujhe unse koi problem nahi hai.. Toh yeh sab mat socho..

Simu - Are majak kiya quki jab bhi unki baat karti hu toh tu bs okay bolta or haan samajhti hu teri sister hu kisi ladke ke sath dikhi ya baat karu toh tujhe gussa aata na

Me – Haan but sorry.. Ab aisa kuch nahi sochunga, bs jealous feel hota hai jab aap time ni dete toh but mai samjhta hu aap tension mat lo..

Jab bhai apni behan se puchta hai ki usko koi ladki pasand hai toh usko apni behan ka pura support rehta hai ki uske liye yeh kar woh kar usko acha lagega but jab iska ulta hota hai toh hum nahi karne dete quki woh pyar ka matlab janti hai feelings janti hai but hum yeh jante hai sab ladke ek jese nahi hote or ladke kya sochte hai.. Phir jab mene dii ke bf se baat ki toh samjh aaya mai galat tha jo bhi unke liye soch raha tha but happy bhi tha ki dii ne sahi life partner choose kiya or unhone mujhe trust dilaya ki woh simu ko always khush rakhenge..!!

Simu always mujhe pagal bolti thi or mai usko moti kehta mene usse pucha, aap hamesha mujhe pagal kyu bolte ho.. kya itna bura hu mai.. Simu ne bola, Tu best hai har chiz mai or bohot acha hai isliye bolti hu..!!

Phir simu ka bday aane wala tha toh mene dii se pucha, apko kya gift chahiye pehle toh dii ne mana kiya phir bola ki superman wali blue tshirt.. Phir mene mere friends ko call kiya jo dii ki city mai hi rehta hai.. Mene usko bola ki dii ko gift dena hai please tshirt dekh market mai.. Phir woh next day pura market ghuma but usko tshirt nahi mili.. Online order bhi nahi kar sakte the quki 1 din mai delivery nahi ho pati.. Phir dii ko bola woh nahi mili kuch or bolo.. dii ne bola chocolate box.. phir friend ko bol ke chocolate box pahuchaya.. or dii chocolate lover hai.. toh bohot si baar simu ki friends se chocolate dene ke liye requests karta tha.. or mai simu ko every month birthday wish karta tha quki in sab se unko bs yahi batana chahta tha ki woh mere liye kitni special hai..!

Phir jab mera birthday tha.. Simu ne bola, Are Happy Birthday mere cute brother.. You are the special and best brother or life mai jitna tune special bataya mujhe utna kisi ne nahi bataya or mai yaha hu toh gift bhi nahi de sakti but jab tu aayga toh pakka dungi.. Mai bata nahi sakta dii ki is baat se mujhe kitna special feel ho raha tha because it’s means a lot for me..!

Jab se humari baate start hue thi, hum ek baar bhi nahi mile the toh simu se milne ka bohot zyada mann karta tha.. Bohot si baar unse milne jaane ke plan banta or plan cancel hota toh bohot bura lagta tha.. Fir ek baar friends ke sath ghumne jane ka plan banaya or simu ko bola ki apse milne nahi aa paonga quki friends shayad hi ready ho quki apke yaha ka route hi alag hai.. Simu ne kaha koi baat nahi phir kabhi aa jana.. Phir hum ghumne gaye or waha ek mall mai se dii ke liye mene watch li thi but mujhe nahi pata tha ki waha jana hoga ya nahi.. Phir return mai aate time, Jab hum ek fort ghumte hue bor ho gaye. Phir ek friend ne bola tu teri dii ke town jane ka bol raha tha na.. Mene kaha haan bolo chale kya, agar chaloge toh tumhara waha jane ki travelling meri taraf se toh friends chalne ke liye ready ho gaye.. But mene simu ko nahi bataya tha ki mai aa raha hu.. Phir kuch hours ke baad hum simu ke town pahuche or friends ko bola mai 1-2 hours mai aata hu.. Phir pehle mai mere uncle ke ghar gaya un sab se mila or ek friend ko call kiya or woh call karte hi mujhse milne aa gaya.. Phir usne mujhe simu ke ghar chod diya.. Phir mai simu ke ghar gaya, but dii ghar pe nahi the.. Phir simu ki mummy ne dii ki choti sister ko bola ki simu ko call kar de.. Phir dii ki sister ne call kiya or kaha ki dii tu ghar aaja bhaiya aaye hai, phir dii ne bola usse baat karva.. Phir dii ne mujhe bola, tu jana mat mai aa rahi hu.. Phir thodi der baad dii aa gayi or aate hi Hello bola or mai hamesha ki tarah chup betha tha.. Wese toh mai bohot kuch sochta ki mil kar yeh sab baate karunga but unke samne aate hi sab bhul jata.. Phir mene unko watch gift ki or unhone dhanyawaad bola or phir dii ne unki sister ko bola, isse kuch sikh mere khane ka, peene ka, har baat ka kitna dhyan rakhta hai.. Phir waha mere Papa ka call aaya or pucha ki kaha hai, mene bola abhi dii ke yaha aaya hu, papa ne pucha waha kyu gaya, mene bola mujhe mere friends se kuch important document lena tha.. Phir dii ne unki sister ko bola, jhuta.. Quki dii ko pata tha ki mai sirf unse milne aaya hu.. or dii ne ek bhai banaya tha, usko call kar ke bulaya or mujhse milvaya or dii ne jabardasti khane khila diya.. Phir dii ko bola mujhe jana hai friends wait kar rahe honge or phir mai waha se nikla or friends ke pas gaya.. Phir wapas ghar aate time pure raste sirf simu se milne ka pura scene repeat mai sunata raha.. Unse milna mere liye best moment tha..!

Phir jab mere pas wale town mai, Simu ki mosiji ke ghar shaadi thi or woh aayi thi kuch din pehle se.. mene unko bola aap ghar pe aana milne.. unhone bola tu aayega na shaadi mai, mene bola nahi aap aao milne jab hi aaonga shaadi mai.. But simu busy thi toh woh nahi aayi or mene unko gusse mai bol diya tha ki mai nahi aaonga.. Phir next day mere Nanaji ne mujhse pucha, sham ko shaadi mai chalega kya, mene bola haan chalunga quki gussa kitna bhi ho unse milne ka chance kabhi ni chod sakta or milne ki hamesha excitement rehti thi.. Phir hum sham ko shaadi mai gye or pehle simu ki choti sister or unke papa se mila.. Phir simu ki sister ne bola woh ready ho rahi hogi aap udhar chale jao, mene kaha thik hai aa Jane do unko.. Phir usne bola meri ungli pakdo or mujhe bola chalo, or woh mujhe dii ke pas le gyi.. Phir dii ne mujhe dekh ke hath hila ke hello kiya or boli mai bs 2 min mai aati hu.. Phir mere ek friend ka call aa gya usse baat kar raha tha, jab tak dii waha se nikal gyi or phir relatives se milne lagi.. toh phir mene unko disturb ni kiya.. Phir mene khana khaya or khana khate time bhi meri nazre dii ko hi dhund rahi thi.. Phir dii paani peene aaye or mai unke pas ja kar khada ho gaya.. or mujhse boli kaha tha tu.. mene bola wahi bahar hi apka wait kar raha tha aap hi nikal ke aa gaye.. Dii ne kaha mujhe dhyan nahi raha yaar.. Phir dii mujhe apne sath le gayi or hamesha ki tarah jo baat soch ke aata karne ke liye woh bhul jata.. Phir dii ko bola apke sath ek photo le lu, unhone bola haan le or phir mujhe bhi send kar dena or phir mere nanaji ne mujhe bulaya or bola chale ab, mene kaha thik hai simu ko bol ke aata hu.. Phir simu ko wapas dhundne laga or dekha toh woh sad bethi thi chair pe or unki aankho mai aansu the.. Mai unke pas gaya or pucha kya hua bolo, unhone bola kuch nahi yrr papa ne kuch bol diya tha.. Phir mene unko thoda samjhaya or unse bola ki ab mai ja raha hu or aap ghar pe aana yaha se time mil jaye toh or Jane se pehle apna mood thik kro or ab smile kar do.. Mai kuch bhi dekh sakta hu par apki aankho mai aansu ni dekh sakta.. Phir waha se ghar ke liye nikal gaya or pure raste mere face pe smile hi nahi ja rahi thi quki dii se milna mere liye hamesha ek best moment hota tha or unke sath photo lena bhi meri ek choti si khwahish thi, jo aaj puri ho gyi thi..!

Phir ek din mene dii se pucha ek baat batao apki mummy or sister ko kese pata ki mujhe bs apse hi milna hai, Jese jab mai apke ghar aaya tha toh apki mummy ne call karke aapko bulane ke liye bola or shaadi mai apki sister se mene apka pucha bhi nahi or woh mujhe apke pas le kar aagyi asa kyu.. Simu ne bola quki mai ghar par teri baate karti rehti hu na isliye..!

Ek baar dii ko mene slam book fill karne ko bola or usme ek question tha “Aap mujhe konsa song dedicate karna chahte ho” or dii ne mujhe “Sanu ek pal chain na aave” song dedicate kiya.. Phir ghar jane ke baad mene woh song 1 hour tak repeat mai suna..!

Jab bhi mera koi important kaam hota ya exam hoti toh mai simu se best wishes leta or exam mai question paper open karne se pehle jese sab GOD se prey karte, mai simu ko sochta.. or exam result aane pe bhi aankh band kar ke unko yaad karta.. quki jese hum sab “GOD” pe believe karte, mai simu pe believe karta or mai simu ko apna “GOD” bolta hu..! or Ab bohot si baar simu mujhse bohot se dino tak baate nahi karti but jab bhi mujhe koi problem hoti or mai usko bolta toh woh hamesha mere liye available rehti or meri har problem ko solve karti or mai kabhi simu se jhut ni bolta, simu se jhut bolne ka matlab khud se jhut bolna or koi khud se kese jhut bol sakta hai..!

Jab bhi simu mujhe kisi kaam ka bolti toh uske bolte hi mai woh kaam kar deta.. Or kabhi unko koi songs chahiye hota ya kabhi urgent mobile recharge karna hota toh woh mujhe kehti.. bohot si baar mere pas paise nahi hote phir bhi unko yeh baat pata nahi chalne deta.. Asa kabhi nahi hua ki simu ne kabhi mujhe kisi kaam ka bola ho or mene nahi kiya.. Simu ke liye jab bhi kuch karta mujhe bohot khushi milti thi or mai hamesha yahi chahta tha ki simu ko kuch bhi chahiye ho to woh sirf mujhe kahe.. or jab bhi simu sad hoti toh always mai puri koshish karta ki simu ke face pe smile aaye.. or mai yahi chahta ki simu ke liye always best kru or usko world ki saari khushiya de saku.. quki simu ki jo dimple wali smile hai sabse best hai or uski dimple wali smile ke liye mai kuch bhi kar sakta hu.. Mai hamesha simu ke face pe smile lane ke liye kabhi unke pics edit karta toh kabhi unka video banata or hamesha mai unke pics collect karta or jab bhi simu ko koi pic chahiye hota toh woh mujhe kehti quki woh jaanti thi mere pas unke sab pics hote..!

Hum jitni baate nahi karte usse zyada jhagda karte or mai bohot si baar simu ko bol deta, ab tujhse kabhi baat nahi karunga or simu bss ek hi baat kehti.. Accha thik hai, tu reh lega mere bina.. quki woh janti thi mai usse baat kiye bina ek din bhi nahi reh sakta.. Simu se mai kabhi zyada naraz nahi reh sakta.. quki jab bhi hamara jhagda hota toh galti kisi ki bhi ho lekin hum dono hi bina sorry bole bhi jhagda khatam kar lete.. Quki simu or mere bich sorry or Thank you ke liye koi jagah nahi thi.. Mai naraz ho jata or agar simu manane nahi aati toh mai khud wapas jhagda karne lag jata, quki galti kisi ki bhi ho rishta toh hamara hai.. I know mai simu se baat baat pe gussa ho jata hu or hamesha ladai karta hu but pyar bhi utna hi karta hu.. or shayad simu imagine bhi nahi kar sakti ki woh mere liye kitni important hai quki simu ne jitna mere liye kiya or jitna bhi karti hai woh kabhi koi or nahi kar sakta usne meri life mai har role play kiye jese ki Best Friend, Sister, Teacher, Motivator, etc..!

Bohot lucky hote hai woh bhai jinko bhot care karne wali behan milti hai or mai bohot zyada lucky hu jo mujhe World’s Best Sister mili..!

Bhai Behan ka pyar kabhi kum nahi hota apko yaad na karu dii asa toh koi din nahi hota vese toh dur ho jane se rishte kumzor ho jate hai lekin bhai behan ka pyar kabhi kum nahi hota..!

Apko Story kesi lagi please comment karke bataye..!

Thanks for reading..