TWO OF A KIND - PART 2

Finally, I am coming with Two of a Kind - Part 2.

Part - 1 mai jesa ki mene sonu ko promise kiya tha ki ek din mai zaroor milne Mumbai aaonga..

Kehne mai toh yeh bohot aasan tha par yeh nahi pata tha ki jana itna mushkil hoga.. quki jab bhi jane ka sochta ya plan karta toh kuch na kuch reason se plan cancel ho jata.. or jab bhi plan cancel hota mujhe bohot bura lagta tha.. or mai sonu se kehta ki mai abhi nahi aa raha kuch problem aa gyi.. woh kehti koi baat nahi phir aa jata.. or ase hi plan cancel hote hote 4 years nikal gye.. Par time ke sath-sath hamara Bro-Sis relation or bhi strong hota gya.. Milne na milne se humko koi fark nahi padta tha.. Quki har ek situation mai ek dusre ke sath hote.. or hamara kitna bhi bada jhagda kyu na ho jata par uske liye meri khushi se important kuch nahi hota..

Ek din sonu ne mujhse kaha "Ap mujhe mere guardian angel" lagte.. Mene kaha asa kuch nahi hai.. woh kehti sacchi asa lagta mujhe.. Itna special mujhe kabhi feel nahi hua jitna yeh sun ke laga tha..

Ek baar phir mera plan hua or mene sonu se kaha ki mai aa raha hu is baar pakka.. Usne kaha okay aao.. Is baar first time sonu ne rakhsa bandhan par rakhi bheji thi mere liye.. Mene usko kaha mai gift nahi bhejunga is baar.. Quki mai aane wala hu toh personally dunga.. Usne kaha okay.. Par jinke sath ja raha tha unka plan cancel ho gya kuch reason se toh phir nahi ja paya.. Par is baar bohot zyada bura lag raha tha or sonu se bhi baar baar yeh kehna accha nahi lagta ki nahi aa raha.. Par sonu kabhi bura nahi manti woh kehti koi baat nahi..

Phir kuch din baad sonu ka call aaya or hum baate kar rahe the.. Sonu ne kaha, Bhaiya ap aane wale the uska kya hua.. Mene kaha, Ha.. Par jinke sath aa raha tha woh abhi nahi aa rahe.. unhone kaha 3 months baad chalenge.. Phir ase hi mazak mai kaha ki-

Me - Ap kaho toh aa jau quki is saturday sunday mai free hu.. 

Sonu - Haa aa jao abhi toh mai bhi free hu toh mil lenge..

Me - Pakka aa jau mai mazak nahi kar raha.. Bs 1 din ke liye mil ke wapas aa jaonga..

Sonu - Ha aa jao.. Par abhi sab band hai yaha ghumne ki places

Me - Koi baat nahi.. Milna important hai.. 

Sonu - Ha milenge.. Par aa rahe ho toh ghum bhi lo..

Me - Kya le kar aau apke liye

Sonu - Bs aap aa jao kaafi hai..

Me - Acha toh batao ap kaha ghumaoge..

Sonu - Mai plan karti hu phir apko batati..

Me - Okay done.. Phir milte hai..

Sonu - Haanji.. I'm exited..

Phir ase hi baat karte karte instant plan kiya ki 2 din baad milte hai.. Pehle mai jab bhi kisi ke sath jane ka plan karta toh plan cancel ho jata isliye is baar socha akela hi jaonga.. Phir next day mene mummy ko kaha ki mai Sonu se milne ja raha hu.. Mummy ne kaha akele mat ja itni dur kisi ko leja.. Phir mene mere cousin ko kaha or woh chalne ke liye ready ho gaya..!

Phir jane ke 1 din pehle kuch personal reason se jana cancel ho raha tha.. But phir bhi sab baato ko ignore karke socha bs is baar to jana hi hai..!

Phir sham ko meri train thi toh papa ne mujhe or mere cousin ko station drop kiya or hum Mumbai ke liye nikle.. Waha se nikalte hi mene sonu ko bataya mai nikal gya hu morning tak pahoch jaonga.. Usne kaha okay and Happy Journey..!

Me - Vese ap miloge kaha

Sonu - Ap konse station aaoge

Me - Mumbai Central

Sonu - Ap kitne baje tak pahoch jaoge

Me - 6 AM

Sonu - Mai itna jaldi nahi aa sakti.. Mai 9 baje tak aa sakti hu..

Me - Okay..

Sonu - Ap thodi der rest room mai rest karna.. or mai aau jab tak breakfast kar lena.. Mai taxi se aa jaungi jaldi or waha se apko pick kar lungi..

Me - Okay.. toh milte hai kal..

Sonu - Haanji..

Phir hum morning 6 AM Mumbai central pahuche or train se utarte hi sonu ka message aaya.. Welcome Bro.. Phir socha chal ke kuch nashta kar lete hai.. Station ke bahar aate hi dekha yaha toh sab band hai bs 1-2 tea shops open thi.. Phir waha humne chai pi.. Par yaha kuch acha nahi lag raha tha quki sab shops band thi or samjh nahi aa raha tha kidhar jau.. Mene sonu ko bola, apke yaha kuch milta hai ya nahi.. Usne kaha, is time nahi.. aap apni live location send karna.. Phir mene apni location send ki.. Sonu ne kaha, station pe restroom nahi tha kya.. Apko bola tha na thodi der rest karna waha.. Mene kaha pata nahi.. mai sidhe bahar aa gaya..! Abhi tak bs 7 hi baje the mene sonu ko kaha yaha toh kuch samjh nahi aa raha or baarish bhi aa rahi hai.. Sonu ne kaha, waha aas pas zyada kuch nahi hai.. aap yaha aaoge yaha baarish bhi nahi hai.. Mene kaha, Haa aa jaonga.. Sonu ne kaha, aap taxi se aa jao usko kehna dadar east station.. waha aap swami narayan mandir ke paas ruk sakte.. Mai bhi jaldi se ready hokar nikalti hu.. or waha pahoch jao toh waha shops open hogi toh waha kuch kha lena okay.. Milte hai jaldi...!!

Phir 15-20 min mai hum dadar east station pahuche or waha humne nashta kiya.. Ab bhi sonu ko aane mai 1 hour baaki tha.. Asa lag raha tha jese time dheere dheere nikal raha ho.. Phir ase hi thodi der aas paas ghume.. Phir yaad aaya sonu ke liye chocolate bhi toh leni hai.. Humne station ke aas paas chocolate ki shops dhundi par yaha chocolate kahi bhi nahi mili.. Phir socha abhi sonu ko aane mai time hai toh yaha se thoda bahar ki taraf dekhte hai shayad mil jaye.. Par jaha bhi jaate shops band hi thi phir thodi aage mujhe ek shop dikhi or waha se mene chocolate li or wapas swami narayan mandir ke paas aa gaye..!

Phir mene sonu ko call kiya.. Kaha ho yrr bs ab jaldi aa jao.. Sonu ne kaha bs nikal gayi hu ghar se.. Ap wahi pe rehna.. Mai taxi se aa rahi hu apko wahi se pick kar lungi.. or waha se direct gateway chalenge.. Mene kaha aap bs aa jao phir chalne ka dekhenge.. Phir mai har ek taxi mai dhyan rakh raha tha.. Phir ek taxi aayi usme sonu idhar udhar dhund rahi thi mujhe phir mene usko dekh ke hath hilaya or usne kaha aage aa jao.. Phir hum taxi mai bethe or waha se nikal gaye.. Sonu ne kaha aapne mujhe pehchan liya.. Mene kaha, Haan usme kya hai mai..! Phir sonu ne kaha, mujhe lag hi nahi raha ki hum first time mil rahe.. asa lag raha ki pehle bhi mil chuke hai.. Mujhe bhi mil kar asa kuch laga hi nahi ki first time mile..!

Phir hum Gateway of India pachuche.. waha taxi wale ko pay karne mai hum ladne lag gaye woh mujhe pay nahi karne de rahi thi or mai usko.. Taxi wala bhi confuse ki payment kisse lu.. Phir mene jabardasti pay kiya.. or hum Gateway of India dekhne gaye or waha jate hi baarish hone lag gyi or humne apne umbrella nikale or baarish band hone ke baad humne pics click kiye.. Mene apne cousin ko kaha ki hamara pic click kar toh woh kehta mujhe nahi aata.. Phir bhi usko phone pakadne ko kaha or humne front camere se hi saare pics click kiye..! Phir thodi der waha rukne ke baad socha ki kuch khane chalte hai quki sonu bhi ghar se breakfast karke nahi aayi thi bs hamare liye jaldi aa gyi thi bina nashta kiye.. Phir hum restuarent ja rahe the toh raste mai Mc Donalds mil gaya toh hum waha gaye.. Par usko open hone mai 30 min the toh hum waha aas paas shopping karne lag gaye or waha bhi pay karne ke liye jhagda ho raha tha sonu pay karna chahti thi par mene nahi karne diya.. Phir shopping karne ke baad jab McD open hua toh waha ja kar bethe.. or hum dono order karne gaye or sonu kehti is baar mai pay karungi.. Mene kaha pehle order toh karo.. Phir humne order kiya or waha bhi sonu ke pay karne ke pehle pay kar diya.. Phir hum thodi der waha bethe or waha kuch khaya..! Phir sonu ne kaha, kya hua apko.. Mene kaha, kuch nahi.. apko nahi lagta ki time kuch zyada jaldi nikal raha apka.. bs ab kuch hours hi bache hai.. Mujhe acha nahi lag raha.. Sonu ne kaha, Bro baar baar time mat dekho bs jitna bhi time hai usko acche se enjoy karo or khush raho..! Par phir bhi mere mind mai thodi thodi der mai yahi chal raha tha..! Phir sonu ne kaha btao ab kaha chale.. Mene kaha jaha aap le chalo or yahi bethna toh beth sakte quki mujhe toh bs milna tha or mai mil liya.. I am happy..!

Phir waha se hum marine drive ke beach pe gaye.. or jaha bhi hum jate pay karne ke liye jhagda hota tha.. Hum jaha bhi jate or baarish ho jati.. Umbrealla kholna band karna bs yahi chalta rehta..!

Phir waha se hum Phir hum waha se hanging garden gaye.. hum garden mai ghume, masti ki or pics liye.. Ek baar toh hanging garden mai ghumte ghumte hum khud hang ho gaye the bahar aane ke liye jis raste se jate wapas ghum ke usi jagah pahoch jate quki baate karte karte pata hi nahi chalta ki phir wahi aa gaye phir waha se bahar jane ka rasta dhundta or waha se nikle.. Uske baad hum flora fountain gaye or uske paas ke shops se sonu ne mujhe t-shirt dilayi..! Phir waha se walk karte hue hum Marine drive gaye or kuch der hum marine drive par bethe the.. Marine drive pe beth ke asa lagta ki bs yahi bethe raho bohot sukoon milta waha.. Par waha bhi mere mind mai bs yahi chal raha tha ki ab bs 1 hour hi bacha hai quki sonu ko 6 baje ghar bhi jana tha.. or bohot bura bhi lag raha tha..! Phir mene sonu ko kaha ki chalo kuch kha lo phir chale jana.. Par usko bhook nahi thi.. Usne kaha ap kha lena mai waha bhethungi.. Mene kaha, nahi phir rehne do.. Phir mene kaha apko ghar drop kar deta hu.. Usne kaha mai chali jaongi.. Mene kaha nahi mai drop krunga.. Usne kaha thik hai.. Phir raste mai bhi mene usse pucha ki kuch khana hai.. Usne kaha nahi.. Or pure raste mujhe bohot bura lag raha tha.. pura din kese nikal gaya pata hi nahi chala.. Mai bs chup tha kuch bol bhi nahi pa raha tha quki agar kuch bolta toh shayad aankho se aansu aa jate.. Par khud ko bohot control karke rakha tha.. Sonu ne pucha bhi ki bro kya hua.. Mene kaha kuch nahi.. Phir woh moment bhi aaya jisko face karne mai mujhe sabse zyada darr lagta tha.. Phir sonu ka stop aaya or hum taxi se bahar nikale.. Sonu ne kaha ki ap yahi taxi le kar station chale jao.. Par mene kaha nahi hum chale jayenge.. Phir sonu ne kaha chalo ab acche se bye toh keh do.. Par mai kuch keh hi nahi pa raha tha kuch samjh hi nahi aa raha tha ki kya kahu.. Phir sonu ko bye kaha or hum waha se nikle..!

Phir jaate jaate mene sonu ko msg kiya.. thank you so much itna sab kuch karne ke liye and sorry agar apko meri koi baat buri lagi ho toh.. Usne kaha nahi bhai.. Asa kuch nahi hai mujhe accha laga mil kar or sorry apko meri koi baat buri lagi toh.. Mene kuch nahi kiya apne kuch karne hi nahi diya.. kahi pay bhi nahi karne diya asa thodi na hota hai.. Mene kaha, apke big brother ke hote hue ap pay karo acha lagta kya.. Usne kaha 21st century hai sab chalta hai.. Mene kaha, haan chalta hai jab mere paas nahi ho tab ap karna.. Phir sonu ne kaha next time aao jab zyada rukna..!

Yeh jo ek din tha woh meri life ke sabse best day mai se 1 tha.. Ek asa din jab mai pura day Happy tha.. quki sonu ne kahi bhi sad hone hi nahi diya.. kahi bhi chup dekh leti toh kehti smile karo..!

After 2 years of friendship and 4 years of Bro-Sis relation. Finally, we met in 6 years..!

Dear Sister, I promise no matter how much we are far, we fight, we discuss and I will never leave you. You are my best sister. No matter tomorrow we will talk or not but we will together forever. I want our bond to be same Forever.